Барааны тайлбар:

БӨРТТЭЙ ЦАГААН САРНЫ ДООР


Алаг үрээ тээсэн эх шиг

Бөртхөн сэвхтэй

Амрагийн дуунд уярсан

Бүсгүй шиг дэгжин цагаан сараа !

Алтан мөнгөн элтэсээ

Цацлан цацлан элтэрч

Амьтан болоод хүмүүний явдлыг

Ажин ширтэн мэлмэрнэ үү

Аяахан хөөрхий замлин аа .


. Бөрттэй цагаан сарны доор

Бөмбөл цагаахан саахны хургаа зөрүүлж

Би Ижийтэйгээ хоёул явнаа .

. -Бөөрөнхий цагаан сарны дээр

Юу байгаа юм ээж ээ -

Бүтээхийн рашаан бумбалж тэвэрсэн

Бүжинхэн туулай байгаа юм миний хүү ээ . Бөрттэй цагаан саран доор

Би ижийдээн хөтлүүлж өссөнсөөн.


. Бөрттэй цагаан сарны доор

Бүгд хонгор адуугаан гилж

Би аавыгаа дагаж явнаа

. -Алиман , цагаан саран дээр

Юу байгаа юм , ааваа

-Амьтны ертөнцийг өрөвхийн сорох

Раху гэгч байгаа юм

. Битгий хар , миний хүү ээ

. Бөрттэй цагаан сарны доор

Би аавыгаа дагаж ухаажсансаан .


Бөрттэй цагаан сарны доор

Бүсгүй хүнд хайрлан дурлаж

Би ханиан дагуулж , дагаж явна .

-Дугараг цагаан саран дээр

Юу байгаа юм , хань минь ээ

. -Дурлалын бурхан тэр их холоос

Бид хоёрыг харжээ суугаа юм амраг минь ээ Бөрттэй цагаан сарны доор

Бүсгүй хайранд би цэцэглэсэнсээн.


. Мөнхийн рашаан бумбалж тэвэрсэн

Мөнөөхөн туулайг ирэв гэж зүүдэллээ . -Мөхөлгүйн рашаан нэг хүнд дутна яадгийм билээ -

Мөр зохь оо ! Би үхэхээр үлдэе дээ гэлээ

Ааван ээжин хоёрт минь

Амраг сайхан ханьд минь

Ачтай буянтай энэ олон хүмүүст ,

Амьтай болгонд хүртээгээд сэрэв .

Аяахан замлин минь ээ

Бөрттэй цагаан сарны доор

Би зөөлөн сэтгэлт ажгуу .


Мөхлийн аюулыг шамбалж хархарсан

Муухай paxyг ирэв гэж зүүдэллээ

. -Мөддөө би ирэхгүй нэг л хүнийг залгина гэж байна

-Мөргөлөө танд намайг иддээ гэлээ .


. Ээжин ааван хоёрыг минь

Энхрий янаг хүүгий минь

Энэ олон сайхан хүнийг орхи !

Энэ биеийг минь залги гээд би сэрэв

Бөрттэй цагаан сарны доор

Би зөв бодолтой л яваа юм байна даа


. Дорнын тэнгэрт л аялаж хонодог

Долоон бурхантай амраглаж тохиодог

Домгийн гоё хүүхэн Бөрттэй цагаан сарны доор Догдлон сууж шүлгээн бичих

Хичнээн шөнө надад үлдсийм бэ

Аяахан хөөрхий

Ажрал үгүй л эргэлддэг замлин аа .


1998 оны 12 - р сар



Зохиолч: Пунцагийн Бадарч

Хуудас: 377

#1236